Ongi etorri 2025-26 ikasturtera!
Berriz ere, gure euskarari hauspoa emateko aukera bikaina dugu eskolan. Ikasturte honetarako, erronka bat luzatu nahi dizuegu... Kalean, lagunekin, senideekin, dendetan, jolasean, kiroletan... euskaraz aritzea.
Hiztunak garenok euskaraz aritu behar, geurea dena ez galtzeko.
Carmelitas Eskolak Euskaraldian parte hartuko du. Gure Euskal Batzordeko ikasleek Bulego taldeak sortutako abestiaren koreografia propioa sortu dute. Animatu eta dantzatu gurekin!
Guztion artean eskola euskaraz bete dugu, klaseetan egindako lanekin, antzerkiekin, "Euskararen Ginkana"rekin eta jakina, Aizuren eta Euskal Batzordeko ikasleen emanaldiarekin. Eta amaiera bikaina emateko, Euskal Jaia izan dugu, familiekin batera. Gora Euskara!
Berriz ere, abenduaren 3an, eskola osoak abestu, dantzatu eta jolastu egin du, euskara lagun. Hona hemen egun berezi honen bideoa.
2024-25 ikasturte berria, abentura berria. Bizipenez eta une harrigarriz betetako ibilbidea aurrean dugu. Ez da erraza izango, baina ausar gaitezen hastera, emozioz beteta eta euskara lagun.
Hona hemen, eskolan bizi izan dugun Euskal Astea. Korrika Txikian ere parte hartu dugu. Guztion artean, eskola euskaraz bete izan dugu.
Eskola euskaraz bete dugu, Aizuk lagunduta. Ekintzaz ekintza, euskaraz gozatu dugu. Hona hemen, bideoa.
Kaixo lagunok eta ongi etorri 2023/24 ikasturtera!
Kurtso honetan, Aizu uretan murgildu zaigu urpekaritzan aritzeko eta horrela itsaso zabaleko irudirik ikusgarrienez gozatzeko.
Arnasteko oxigeno-bonbona euskaraz beteta darama, beste begirada batekin urazpikoaz ere disfrutatzeko.
Zeuek ere izan ausartak eta anima zaitezte euskaraz arnastera!
Ikusi nahi duzue nola ospatu dugun Euskal Astea? Jardueraz betetako egunak izan dira. Familiak, ikasleak, irakasleak, Euskara Batzordeko ikasleak... Denon artean aste zoragarria lortu dugu.
Mila esker guztioi!
Hementxe duzue ekintza guztiak ikusi ahal izateko bideoa. Gozatu!
Poztekoa eskolan bizi izan duguna!!
Ahobizi eta belarriprest txapak jantzita, euskarak presentzia gehiago hartu du gure artean.
Aizuk lagunduta, Haur eta Lehen Hezkuntzakoek beren kometak prestatu dituzte, euskararen haizeak bultzatuta. DBHkoek ere Euskal Bingoan bikain pasatu dute.
Mila esker guztioi zuen parte hartzeagatik!!!!
Ikasturte berriak, haize berriak... erronka berriak dakartza.
Lasaitasunez elkarrekin egon, hitz eta pitz, jolastu...
Beti bezala, Aizu, gurekin batera, euskararen ibilbideari eusteko prest dago.
Ongi etorriak!
2021-22 ikasturtean, inoiz baino gogotsuago ekingo diogu gure ingurua zaintzeari. Horretarako, denok dakigun bezala, gure begiek geure buruari begiratzeaz gain, gure inguruari ere so egin behar diote.
Kartelean ikusten duzuenez, gauza bakoitzak bere lekua du. Euskarak ere, bere tokia gure ahoetan izan nahi du eta horregatik Aizuk, lagun bikainak, gure helburua lortzen laguntzen digu euskaraz mintzatuz.
Ez huts egin Aizuri eta anima zaitez!
Aurten, Euskal Astea magiaz beteta etorri da. Izan ere, Asier Kidam magoa gurekin egon da. Lehen Hezkuntzako 3, 4, 5 eta 6 eta DBH-ko 1 eta 2 kurtsoetako ikasleek bere emanaldia ikusi dute, taldez talde, "talde burbuilak" errespetatzen.
Talde guztiek primeran pasatu dute. Ordu erdiko ikuskizunak izan dira eta hainbat truko ikusteko aukera aparta izan dute.
Aurten bai! Euskal Astea berriro gure artean dago. Eskolako klase guztietan euskara dugu protagonista.
Momentuz, aurtengo pegatina aurkezten dizuegu. DBH 3.eko Lidia Delgado da bere egilea. Zorionak!
Animatu eta prestatu euskararen oinatzei jarraitzeko!
Egoera berriarekin ere Euskal Inauteriak ospatu nahi izan ditugu.
DBHko Euskal Batzordeko neskak gure joaldunak izan dira eta LHko 3. eta 4. kurtsoetako umeek beren jantziak prestatu dituzte, Lantzeko Inauteriak eredutzat hartuta. Guztien artean euskal dantzak egin dituzte.
Primeran pasatu dute! Gora Euskal Inauteriak!
Hona hemen, bideoa. Gozatu!
