2018(e)ko ekainaren 18(a), astelehena

EUSKAL MARGOLARIAK ETA TRATTEGIO DBH 2. KURTSOAN

DBH 2. kurtsokoek Plastikan kolore teoria landu dute. Horretarako, euskal margolarien artelanak erabili dituzte eta jatorrizko irudietako koloreak gauzatzeko trattegio teknika erabili dute; hau da, cyan, horia eta magenta koloreak besterik ez dituzte erabili eta marraz marra eginda. Artelan batzuetan, pertsonaien irudia erabili dute beste hondo batean kokatzeko. Hona hemen sortutako lanak:


Beste artelan batzuetan, aldiz, neurri erraldoi batean, jatorrizko irudien koloreak berreskuratu.

Lan bikaina egin dute eta zuekin partekatu nahi ditugu.


Zorionak, artistak!

2018(e)ko ekainaren 17(a), igandea

KOMIKI ZAPARRADA: IRAKURTZEKO TXOKO BIKAINA!


Euskal Astea ospatzearekin batera, DBH 2. kurtsoko ikasleek Aizuri buruzko komiki zoragarriak prestatu zituzten. Augusto Ugalde euskara irakaslearen ideia bati esker, komiki hauek irakurtzea benetako oparia izan da.
Izan ere, instalazio artistiko bat sortu dute eta irakurtzeko magia eskola osoaren ikasleengan sortu da. Txikiek eta handiek primeran pasatu dute Aizuri buruzko komikiak irakurtzen. Ikasleen lan bikainak leku bikain batean. Irakurketa eta artea eskutik helduta. Hori bai opari ederra!



2018(e)ko maiatzaren 13(a), igandea

DBH 3. ETA 4. KURTSOKOEK AIZUREN KOMIKIAK EGIN DITUZTE

Aizu oso pozik dago. DBH 3. eta 4. kurtsoetako ikasleek komiki itzelak egin dituzte eta gure eskolako pasabideak apaintzeko erabili ditugu. Eskolako guztiok ikusi ditugu eta primeran pasatu dugu komiki hauei esker. Berriro ikusi nahi badituzu, hona hemen aukera bikaina.
Zorionak, artistak!!!







2018(e)ko apirilaren 19(a), osteguna

EUSKAL ASTEAN DENOK EUSKARAREKIN BAT EGITEN!

Asko izan dira 2018ko Euskal Astean eskolako ikasle guztiek egindako ekintzak. 2 urtekoak, Haur, Lehen eta Bigarren Hezkuntzakoak, Batxilergokoak, Heziketa Ziklokoak... guztiak elkarrekin euskararen begiak zabaldu nahian.
Hona hemen ekintzak agertzen diren bideoa


2018(e)ko apirilaren 10(a), asteartea

AIZUREN EMANALDIAN PRIMERAN PASATU DUGU!!!

Haur eta Lehen Hezkuntzako umeek 2018ko Euskal Astea ospatzeko aukera aparta izan dute. Aizuk bisita egin die eta DBHko neska batzuen laguntzarekin hainbat abesti elkarrekin dantzatu dute. Guztiek primeran pasatu dute. Hori bai giro ederra euskaraz!!!

Hona hemen bideoa.


2018(e)ko martxoaren 21(a), asteazkena

EUSKAL ASTEA 2018

Aste honetan zehar hainbat ekintza egingo dugu, Euskal Astea ospatzeko. Urtero bezala, Euskal Asteari eranskailu lehiaketarekin hasiera eman diogu. Hona hemen aurtengo irabazlea, DBH 4. kurtsoko Beatriz Delgadok egindakoa. Ea guztiok euskararen begiak zabaltzen ditugun!


2018(e)ko martxoaren 12(a), astelehena

EUSKAL TXIRIGOTAK DBH-N

Aurten DBHkoek inauteriak ospatu dituzte modu berezi batean. Euskal Txirigotak prestatzeko Mintza ordu batzuk erabili dituzte: musika aukeratu, abesti-letra landu, entseatzea, mozorroak prestatu...eta inauterietako astean, Areto Nagusian, Euskal Txirigotak guztion aurrean antzeztu ditugu.
Nola atera diren ikusi nahi baduzue, hona hemen Euskal Txirigota batzuk: