125 AUKERA EUSKARAZ ARITZEKO!

Ongi etorriak!
2019-2020 ikasturtearen hasieran gaude. Kurtso hau eskolako guztiontzat oso berezia izango da. Izan ere, gure eskolak 125 urte betetzen ditu. Geuk ere, Aizurekin batera, ospakizun honetan parte hartu nahi dugu. Guztiok gonbidatuta zaudete parte hartzera!
125 urte: 125 aukera bikain euskaraz aritzeko!
Ez galdu aukera!

BERTSOLARIAK LEHEN HEZKUNTZAKO 4. KURTSOAN

Ikasturteari agur esaten diogu modu berezi batean. Gure Lehen Hezkuntzako 4. kurtsoko lagunek Bertsolaritza saio batzuk izan dituzte, Arabako Bertsolaritza Elkarteren eskutik. Oso ondo pasatu dute, hitzekin jolasean.
Hona hemen gure bertsolarien lanak. Gozatu!!

AIZUREN KOMIKIAK DBH 3. KURTSOAN

2019ko Euskal Astean DBH 3. kurtsoko ikasleek oso komiki politak egin dituzte, Aizu protagonista izanda. Eskolako korridoreetan erakusketa bat izan dugu, ikasle guztiek ikus ditzatela. Zorionak, artistak!
Hona hemen komikiak:

EUSKAL ASTEA 2019

Eskola osoa ekintzaz beteta utzi dugu. Euskara protagonista izan da eta ikasleek gauza zoragarriak egin dituzte: eskumuturrekoak, mikrofonoak, komikiak, antzerkiak, ipuinak, esaera zaharrak, kaligramak... Guztion artean egindako lan ikaragarria ikusi nahi baduzu, hementxe duzu aukera. Gozatu!

AIZU, LH 3. ETA 4. KURTSOETAKO LAGUNEKIN EGON DA

Euskal Astean Aizu eta Euskal Batzordeko neskak han hemenka ibili dira. Aurten, topaketa berezia izan dute Lehen Hezkuntzako 3. eta 4. kurtsoetako lagunekin. Talde bakoitzak dantza bat egin du, Aizurekin batera eta gero, Aizuri galdera batzuk egin dizkiote. Guztiek primeran pasatu dute. Zorionak, hain giro polita sortzeagatik, euskara lagun!
Hona hemen bideoa

AIZUREKIN DANTZAN, LAGUNEN ARTEAN!

Euskal Astean, Aizu berriro gurekin egon da. Haur eta Lehen Hezkuntzako 1go eta 2. kurtsoetako lagunekin primeran pasatu du, hainbat kanta dantzatzen. Aizuk Euskal Batzordeko neskeen laguntza izan du. Guztion artean giro ederra lortu dute. Primeran pasatzeko aukera paregabea!
Hona hemen bideoa.

EUSKAL ASTEA 2019: "UTZ IEZAIOZU EUSKARARI HAZTEN"

Martxoko azken astean 2019ko Euskal Astea ospatuko dugu. Ikastetxe osoa jarduerez beteko dugu. eta hemen ikusteko aukera izango duzue. Hasteko, aurtengo eranskailua zuekin partekatu nahi dugu. Goazen euskarari behar duen indarra ematera!